ayisiniwak okiskeyitamasowin

nistam miskweyihtamipayiwa

acimowenihk #9

Bella Coola, BC

misewe nehiyanahk waskahikanehkewin tipiyaw tipaskanihk nawac tapitaw ayiman. anihi Nuxalk kanawapahtamwak pehciyihk ta kwayask awihtamihk o waskahikanehkewiniwaw ahci poko ekwa nakacihtawak.

oma ka ma misi kimiwahk ekwa ka yotihk tahto askiy soni BC’s pahkisimohtahk iskamihk tapitaw ki ayiman ta osehtah waskahikana ekwa ta kanawehtamih eka ta miyamowisikwaw. namoya ohpimiy nawac ayiwak ayiman ta kahtinamihk ka ohsehcikakehk waskahikanehkewina osam wahiyaw e astekwaw mamawintowina, ekwa namoya ihtako soniyaw, taspwa namoya kwayask kaki waskahikanehkewak. ata oma kakiskeyihtamihk kinowes ahkosiwin e ayahk anima ohci miyamowisikw, Nuxalk ante Bella Coola, BC, misi ayamihowak ohi natotamawina. ohi ohci kihcokimanihk waskahikana kehcinahowak eka e miyosikwaw osam ka miyamowisikwaw isiwepak ekwa e sohkakehtek ta pesowehtwaw atoskewak ohpimimiy ohci. ohi ka paminahkwaw waskahikanekewin, miskamwak ta nesohkamwatwaw ayi ohci ta kiskinahamwatwaw ta osehtatwaw waskahikana ta isinakwahkwaw peyakwan ohci opimacihowiniwaw. papami wapahtewewak ekwa kwotak First Nations oma mana waskahikanehkewin ka mamohkawek.

wehewew Melina Laboucan-Massimo kiwikew Bella Coola ti ta kiskeythtahk tansi Nuxalk Nation isi waskahikaneketwaw ayi ohci otayisimiwawak ta wikitwaw. ka kesi wapahtahk tansi ewkoni ka ahkam osehtahk, ati sipwehtew ante Nanaimo, BC, ti ka nesohkamaketwaw ekota ohci First Nations ta kiskinahamwehtwaw tipiyaw nehiyaw ohchi waskahikanehkiwin anta Vancouver Island University.

Share this Story